Në Kininën Infektive aktualisht janë duke u trajtuar 8 pacientë me meningjit.
Këtë e ka bërë të ditur për Tëvë1, Arben Vishaj, drejtori i Klinikës Infektive në ShSKUK.
“Aktualisht në Klinikën Infektive janë duke u trajtuar me meningjit akut gjithsej 8 pacientë, 2 nga ta janë mosha pediatrie me meningjit viral dhe 6 me meningjit bakteror”, ka thënë Vishaj.
Ai tha se nga muaji korrik e deri më sot ka një rritje të dukshme të personave të prekur nga meningjit, ku janë paraqitur 43 raste, kurse që nga fillimi i këtij viti e deri në qershor kanë qenë 38 pacientë të prekur nga meningjiti.
Ai ka thënë se qytetarët duhet kenë kujdes pas rritjes së rasteve me këtë infeksion, ndërsa ka bërë thirrje që të respektohen rekomandimet e Ministrisë së Shëndetësisë dhe Institutit Kombëtar të Shëndetit Publik.
Vishaj tha se kanë pasur edhe “20 pacient tjerë të moshave adulte të cilët janë trajtuar me formën e meningjitit bakterore”.
Sipas tij, Klinika Infektive ka kapacitete të mjaftueshme për trajtim cilësor për këtë rast.
Infektologu Ramadani tregon shenjat klinike që shfaqen nga meningjiti
