Kryetari i Aleancës për Ardhmërinë e Kosovës, Ramush Haradinaj, ka përkujtuar Gjeneralmajorin, Skender Çeku, derisa e ka cilësuar si vizionar, strateg e udhëheqës me të gjitha tiparet e një luftëtari shqiptar.
Rënien e Çekut, kryetari i AAK-së, e vlerësoi si humbje të madhe për atdheun, përcjell teve1.info.
“Vizionar, strateg e udhëheqës, personaliteti i Gjeneralmajor Skender Çekut, gërshetonte të gjitha tiparet e luftëtarit shqiptar. Rënia e tij, njëzetepesë vjet më parë, ishte humbje e madhe, por emri i tij u nderua nga Ushtria Çlirimtare e Kosovës, me luftë deri në çlirim”, ka shkruar Haradinaj në Facebook.
“Gjeneral Skender Çeku, faleminderit për shërbimin ndaj Atdheut”, ka përfunduar Haradinaj./teve1.info/.
