Prokuroria Themelore në Pejë ka bërë kërkesë për caktim të masës së paraburgimit ndaj T.F., i dyshuar për vrasjen e një personi brenda një lokali në Klinë.
Lajmin për teve1.info, e ka konfirmuar zëdhënësi i kësaj prokurorie, Shkodran Nikçi.
Ai ka bërë të ditur se të mërkurën gjithashtu do të mbahet seanca ku do të shqyrtohet kërkesa për paraburgim.
“Është bërë kërkesa për caktimin e masës së paraburgimit, prokurori i shtetit ka dorëzuar kërkesën në departamentin për krime të rënda. Njëkohësisht, gjatë ditës së sotme do të mbahet seanca e procedurës paraprake, do të shqyrtohet kërkesa e prokurorit të shtetit që t’i caktohet masa e paraburgimit personit të pandehur, Tush Frrokaj”, ka thënë ai.
Frroku është arrestuar të martën nga Policia.
Ai më 7 gusht kishte vrarë një person brenda një lokali në Klinë dhe deri të martën ishte në arrati./teve1.info/
