Dogana e Kosovës ka thënë se sot ka parandaluar një tentim kontranbandimi i substancave narkotike përmes dërgesave postare.
Sipas tyre në një dërgesë postare është gjetur substancë narkotike e llojit marihuanë.
“Prishtinë 16 gusht 2023 Njësitet e Doganës së Kosovës kanë arritur që të zbulojnë substanca narkotike në një dërgese postare qe vinte nga shtetet e huaja. Gjate kontrolleve në Zyrën për Zhdoganimit Postar (Postën Doganore) zyrtarët doganor kane dyshuar në përmbajtjen e dërgesës duke aluduar në peshën e pakos, përshkrimi se çfarë kishte në pako, e që përbënin indikatorë të mjaftueshëm që kjo pako të ekzaminohej në detaje. Pas hapjes së pakos janë gjetur qese të vogla me përshkrime tjera por brenda gjendej substanca e dyshuar per marihuanë. Konform procedurave për mallra te ndaluara, është njoftuar Policia e Kosovës — Njësiti Anti Drogë, që kanë konstatuar se kemi të bëjmë me substancë narkotike e llojit marihuanë”.
Tutje thuhet se rasti është dorëzuar tek Policia e Kosovës. Sasia e substancës narkotike ishte 115 gramë.
