Policia e Kosovës ka arrestuar G.I, i dyshuar për një rast të grabitjes së armatosur.
I njëjti dyshohet se më 22 mars të këtij viti, së bashku me dy persona të tjerë, nën kërcënimin e armës kishte grabitur 770 euro nga posta e shpejtë në Ferizaj.
“Hetuesit rajonal pas një pune intensive hetimore, grumbullimit të informacioneve në terren, kanë siguruar prova të mjaftueshme dhe kanë identifikuar të dyshuarin e dytë G.I ( M/K ) i moshës 33 vjeçar, i cili me datën 15.08.2023 rreth orës 20:30 është arrestuar në Ferizaj me dyshimin se ka kryer grabitjen”, thuhet në njoftimin e policisë.
I dyshuari me vendim të prokurorit është dërguar në mbajtje për 48 orë.
