Nënkryetari i Listës Serbe, Igor Simiq, ka thënë sot se vendimi i kryetarit të komunës së Mitrovicës së Veriut, Erden Atiq që tregtarët dhe biznesmenët e vegjël të largojnë mallrat e tyre nga hapësirat publike, është vetëm një tjetër nga seria e vendimeve që janë kundër interesave të popullit serb në Kosovë.
“Në një kohë kur paqja është e kërcënuar, ky vendim është vetëm një tjetër në serinë që drejtohet drejtpërdrejt kundër të gjithë qytetarëve tanë, veçanërisht kundër biznesmenëve tanë dhe industrive të shërbimeve, dhe qindra familjeve serbe që në këto zona jetojnë falë industrive të shërbimeve“, ka thënë Simiq për RTS, transmeton teve1.info.
Ai theksoi se qëllimi i një vendimi të tillë është të parandalohet funksionimi normal i dyqaneve, dyqaneve, kafeneve, restoranteve serbe.
“Pra një presion dhe përshkallëzim shtesë në terren, me qëllim disiplinimin e serbëve të mbetur në zonën veriore të Kosovës dhe që duan të jetojnë në paqe”, ka shtuar ai.