Në Lokalitetin Arkeologjik në Ulpianë është zbuluar një mbishkrim monumental nga koha e Perandorit Justinian.
Arkeologu nga departamenti i Antropologjisë në Universitetin e Prishtinës, Arben Hajdari, vlerësoi se ky mbishkrim për nga pesha historike, është nja nga zbulimet më të mëdha në Kosovë, shkruan teve1.info.
“Gjatë kampanjës së këtij viti, sigurisht që ka dalë mbishkrimi, një mbishkrim jashtëzakonisht interesant e i rëndësishëm dhe për nga pesha historike është një nga zbulimet më të mëdha që ka ndodhur ndonjëherë në Kosovë. Mbishkrimi na flet për përkushtimin e perandorit trajan për Dardaninë, pra për vendin e origjinës së tij. Flet se si perandori Justinian ishte ai i cili me gruan e tij, e ka ndërtuar qytetin, i cili referohet si qytetet Dardan”, tregoi Hajdari në emisionin “Ditari” në Tëvë1.
Ndërsa, ministri i Kulturës, Hajrullah Çeku ka thënë se “mbishkrimi paraqet një dëshmi shumë të rrallë dhe dëshmon afërsinë e perandorit ndaj provincës së origjinës. Kisha paraqet një prej zbulimeve më të mëdha të Perandorisë së vonshme romake dhe perandorëve më të rëndësishëm”./teve1.info/
