Kjo është bërë e ditur nga partia Alternativa përmes një njoftimi në Facebook.
“Mimoza Kusari Lila, rizgjedhet kryetare e Alternativës. Është mbajtur sot Kuvendi i dytë zgjedhor qëndror i subjektit politik Alternativa. Punimet e Kuvendit fillimisht janë hapur me fjalën hyrëse të nënkryetarit të Alternatives, z. Reshat Nurboja, kurse delegatëve nga Prishtina, Peja, Mitrovica, Prizreni, Vushtrria dhe Gjakova, ju adresua Kryetarja e deritashme, Mimoza Kusari Lila, e cila listoi të arriturat dhe sfidat e Alternativës në mes të dy Kuvendeve. Ajo përmendi tri palë zgjedhje, ato qendrore me 2019 ku Alternativa bëri diferencën në mes të dy partive të para. Pastaj pjesëmarrjen në zgjedhjet qëndrore të 14 shkurtit të 2021 dhe ato lokale të vjeshtës 2021’, thuhet në njoftim.
Kusari-Lila, theksoi se bashkëpunimi me Lëvizjen Vetëvendosje ka filluar që nga viti 2019 dhe sipas saj, po vazhdon me sukses në përmbushje të misionit dhe besimit të marrë nga votuesit në zgjedhjet e 14 Shkurtit 2021.
“Pas zgjedhjes së kryesisë së punës së Kuvendit, janë miratuar edhe raporti i punës si dhe propozimet për plotësim ndryshimin e statutit të partisë të prezantuara nga Sekretari i Alternativës, Agon Dobruna. Si kandidate për kryetare të Alternativës nga Kryesia e deritashme, është propozuar znj. Mimoza Kusari Lila e cila ishte kandidatja e vetme për kryetare të subjektit. Znj. Kusari Lila me vota unanime u rizgjedh si kryetare Alternativës”, thuhet më tej në njoftimin e Alternativës. /teve1.info/
Njoftimi i plotë:
