Presidenti serb Aleksandar Vuciq, konsiderohet si njëri ndër personalitet me potencial të madh për prishjen e paqes në Ballkan.
Kohëve të fundit, si brenda ashtu edhe jashtë Evropës, kanë filluar reagimet e politikanëve që kërkojnë nga politika e jashtme transatlantike, të kenë një qasje më kritike ndaj politikës serbe.
Përveç politikanëve në formë individuale, qasje më kritikuese ndaj Serbisë është kërkuar edhe në letrën e 56 deputetëve evropian e amerikanë, të cilët po ashtu kërkojnë neutralitet në dialog.
Ish-zëvendësambasadori i Kosovës në Gjermani, Blerim Canaj, thotë se këta zëra nuk mund të kenë ndonjë ndikim të madh, por mund të shërbejnë si presion për udhëheqësit e dialogut.
Arbër Fetahu nga Grupi për studime juridike dhe politike thotë se kërkesat e tilla për ndryshim të qasjes në dialog, nuk mund të ndikojnë në ndryshimin e politikave amerikane dhe evropiane.
Kohëve të fundit edhe një numër i madh i medieve ndërkombëtare i kanë kritikuar kryeqendrat e vendimmarrjes për qasjen e butë ndaj Vuciqit, i cili ende nuk ka vendosur sanksione ndaj Rusisë, ndërkohë që politikat e tij mbesin kërcënim për paqen dhe stabilitetin në Ballkan.