Rreth orës 13:00 janë dëgjuar të shtëna me armë zjarri në rrugën “Xhevë Laldrovci” në Prishtinë, raporton teve1.info
Lajmin për teve1 e ka konfirmuar zëdhënësja e Policisë për Rajonin e Prishtinës, Flora Ahmeti, e cila tha se policia e ka identifikuar një të dyshuar dhe është në kërkim të tij.
Sipas Ahmetit, nuk raportohet për persona të lënduar në këtë rast.
“Sot rreth orës 13:00, policia ka marrë informatën për të shtëna me armë në rrugën “Xhevë Lladrovci” në Prishtinë.
Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.
Bazuar në informacionet e deritanishme nuk raportohet për persona të lënduar.
Hetuesit policor në koordinim me prokurorinë, ndërmarrin veprimet hetimore për ndriçimin e plotë të rastit dhe janë në kërkim të peronit të dyshuar, i cili është identifikuar nga ana e policisë”, ka thënë Ahmeti për teve1.