Presidentja Vjosa Osmani i ka quajtur zemërthyese katastrofat me zjarret në Hawaii, të cilat i lanë të vdekur së paku 89 persona në qytetin historik të Lahaina, duke shënuar kështu zjarrin më vdekjeprurës në ShBA.
Osmani ka shkruar se Kosova qëndron në solidaritet të plotë me presidentin Biden dhe i ka uruar shërim të shpejtë të lënduarve.
“Është zemërthyese të shohësh shkatërrimet që po ndodhin nga zjarret mbi popullin e Hawaiit. Ne qëndrojmë në solidaritet të plotë me Presidentin e Shteteve të Bashkuara, Joe Biden dhe miqtë tanë amerikanë gjatë këtyre kohërave të vështira. Zemrat tona janë me familjet e viktimave dhe i urojmë shërim të shpejtë të lënduarve”, shkroi Osmani.
Deri më tani 89 persona janë konfirmuar si viktima në zjarrin Maui. Numri i viktimave mund të rritet “dukshëm”, paralajmëroi guvernatori i Hawait, Josh Green.
Qindra mbesin të pagjetur ndërsa qindra të tjerë strehohen përtej ishullit pasi u larguan nga flakët.
Heartbreaking to see the devastation wildfires have brought upon the people of Hawaii.
We stand in full solidarity with @POTUS and our American friends during these trying times.
Our hearts are with the victims’ families, and we wish a swift recovery to the injured. 🇽🇰🇺🇸
— Vjosa Osmani (@VjosaOsmaniPRKS) August 13, 2023
