Policia ka arritur që në dy raste të ndara të parandalojë kontrabandën me mallra në territorin e Kosovës.
Në rastin e parë, në rrugën Muqibabë-Pasjan janë gjetur shishe me birrë e verë të cilat po tentoheshin të kontrabandoheshin në Kosovë.
“Policia ka arritur ta ndalojë veturën me targa vendore, që drejtohej nga I.J., mashkull serb, në rrugën Muqibabë-Pasjan. Gjatë kontrollit, në veturë janë gjetur mallrat: 24 litra verë, 600 shishe birra dhe 260 shishe uji mineral dhe natyral”, thuhet në njoftimin e policisë.
Kurse në rastin e dytë, po në fshatin Muqibabë është ndalur një veturë që po tentonte të kontrabandonte në Kosovë pako me mish e birra.
“Policia ka arritur ta ndalojë veturën me targa serbe, që drejtohej nga M.S., mashkull serb, në rrugën Muqibabë-Pasjan. Gjatë kontrollit, në veturë janë gjetur mallrat: dy paket mish dhe 640 shishe me birra”, thuhet në njoftim.
Lidhur me të dyja rastet është kontaktuar prokurori kujdestar, i cili ka rekomanduar që të dyshuarit të lirohen, ndërsa malli i lartshënuar së bashku me automjetet të dorëzohen në Terminalin Doganor.
