Një logoped dyshohet se ka kapur për flokësh një të mitur, e cila ishte duke u trajtuar te i dyshuari.
Rastin e ka raportuar në Policinë e Kosovës nëna e së miturës, mbrëmë në Podujevë.
Lidhur me këtë rast, në policia ka bërë të ditur se i dyshuari është intervistuar dhe me vendim të prokurorit i njëjti është arrestuar dhe dërguar në mbajtje.
Rasti është iniciuar si “Lëndim i lehtë trupor”.
“Podujevë 12.08.2023-11:30. Ankuesja femër kosovare ka raportuar se ndaj vajzës së saj të mitur ishte ushtruar dhunë fizike (kapur për flokësh) nga logopedi, i dyshuari mashkull kosovar ku ishte duke u trajtuar viktima. I dyshuari është intervistuar dhe me vendim të prokurorit është arrestuar dhe dërguar në mbajtje”, thuhet në njoftimin e Policisë së Kosovës./teve1.info/
