Kryetari i Podujevës, Shpejtim Bulliqi ka bërë të ditur se sot është bërë shpërndarja e 75 motokultivatorëve për fermerët përfitues.
Ai tha se ky projekt po realizohet nga buxheti i komunës me participim edhe të fermerëve në vlerë 30%.
“Ky projekt është në vazhdën e shumë projekteve të tjera që jemi duke i realizuar në sektorin e bujqësisë.
Fermerët përfitues i urova, si dhe iu premtova që do të vazhdojmë mbështetjen ndaj fermerëve të vyeshëm, në mënyrë që të lehtësojmë punën fisnike të tyre”, ka shkruar ai.