Përmes një postimi në Facebook, Demiri ka thënë se kjo dekoratë është më e çmuara për Ambasadën e Kosovës në Jerusalem.
“Thellësisht e nderuar të pranoj një ndër dekoratat më të çmuara për Ambasadën e Republikës së Kosovës në Jerusalem nga Ministri i Mbrojtjes i Republikës së Kosovës, z. Armend Mehaj i shoqëruar nga kolonelët z. Hasan Hoxha dhe z. Sylejman Cakaj, me rastin e vizitës së tyre zyrtarë në Shtetin e Izraelit”, ka shkruar ajo.
Demiri tha se nën udhëheqjen e ministrit Mehaj, Kosova mbetet e përkushtuar për thellimin e marrëdhënieve me Izraelin në fushat e sigurisë dhe të mbrojtjes. /teve1.info/
