Deputetja britanike, Alice Kearns, thotë se në letrën e nisur nga ajo për raportet Kosovë – Serbi të drejtuar për BE-në, ShBA-në dhe Britaninë e Madhe, kanë nënshkruar 10 kryetarë të komisioneve për punë të jashtme të shteteve perëndimore dhe 56 deputetë.
Ajo ka deklaruar se të gjithë këto shtete dhe individë kanë bërë thirrje për ndryshim të qasjes ndaj Kosovës dhe Serbisë.
Tutje, Kearns ka thënë duan ta shohin një rrugë euroatlantike si për Kosovës ashtu edhe për Serbinë.
“Ne kemi nevojë për diplomaci parandaluese, ku të sigurohemi që të ketë ekuilibër në marrëdhëniet tona dhe të mos përsërisim gabimet e së kaluarës. Është e rrallë që kaq shumë kryetarë të komiteteve të punëve të jashtme të mblidhen për të ngritur shqetësimet dhe për të shprehur një angazhim të përbashkët për de-përshkallëzimin. Ne duam të shohim një rrugë euroatlantike si për Serbinë ashtu edhe për Kosovën. Me respektim dhe dëgjim të pakicave”, ka shkruar Kearns përmes një postimi në Twitter.
Ajo është shprehur e lumtur edhe për kontributin dhe punën e kryetarit të Komisionit për Punë të Jashtme në Parlamentin Ukrainas, Oleksandr Merezhko, që e ka mbështetur këtë letër.
“Gjithashtu, është unike të kesh që një pjesëtar kaq të lartë ukrainas të fletë në mbështetje të Kosovës”, ka shkruar Kearns./teve1.info/
10 Chairs of Foreign Affairs Committees and 56 Parliamentarians have called on the US, EU & UK to change our approach to #Kosovo and #Serbia.
We need deterrence diplomacy, where we ensure there is balance in our dealings, and we do not repeat the mistakes of the past. 1/ pic.twitter.com/zEYsvTNFP3
— Alicia Kearns MP (@aliciakearns) August 6, 2023
