Zyrtarët policorë nga Njësia e ndërhyrjes së shpejtë të policisë kufitare kanë parandaluar sot një rast të kontrabandës me mallra.
Sipas njoftimit të Policisë së Kosovës, në fshatin Koshtovë, udhëkryqi i rrugës Ceraj-Bistricë, janë ndaluar për kontrollim dy vetura, në të cilin janë hasur të ngarkuara pemë të ndryshme, përcjell teve1.info
“Veturat e ndaluara ishin me targa vendore dhe të ngarkuara në to janë hasur pemë të ndryshme (kumbulla, pjeshka dhe dardha). Drejtuesit e automjeteve nuk kanë poseduar dokumentacionet e nevojshme për mallin që bartnin. Policia do ta trajtojë rastin në koordinim me institucionet përkatëse”, bëhet e ditur në njoftim.
