Numër i madh i gazetarëve të të gjitha medieve kanë protestuar të hënën në Prishtinë për të kundërshtuar pezullimin e licencës për Klan Kosova.
Gazmend Syla nga Klan Kosova, tha se Qeveria duhet që të mundësojë lirinë e fjalës dhe demokracinë, raporton Ekonomia Online.
Sipas tij, gazetarët duhet të lejohen që ta bëjnë punën e tyre të lirë.
“Kjo protestë e cila ishte jashtëzakonisht simpatike dhe interesante është që mediat duhet që të jenë të lira edhe ta ushtrojnë profesionin e vetë ta bëjnë punën e tyre. Unë e di që herë here mediat ndoshta mund të bëjnë ndonjë lëshim por në parim puna e përgjithshme e tyre është ajo në interes të publikut. Mendoj që mesazhi që shkon sot edhe te ndërtesat këtu edhe të ndërtesa mbrapa, por edhe të ndërkombëtarët është që ky vend duhet ta mundësoj lirinë e fjalës, duhet ta mundësoj demokracinë, edhe do të doja që më te mos kishte nevojë për këso lloj protestash, kësi situatë, kësi skandale”, tha ai.
Protesta e gazetarëve ka përfunduar e qetë
