Pesë raste të dhunës në familje janë raportuar në Policinë e Kosovës gjatë 24-orëve të fundit në Kosovë.
Nga pesë rastet e raportuara, Policia e Kosovës ka arrestuar pesë persona, të cilët dyshohet që kanë ushtuar dhunë fizike ndaj familjarëve, raporton teve1.info
Rastet e dhunës në familje kanë ndodhur në Ferizaj, Prizren, dy në Pejë dhe një në Deçan.
Rasti i parë në Ferizaj, ka përfunduar me arrestimin e një personi, pasi që i njëjti pas një mosmarrëveshje ka sulmuar fizikisht bashkëshorten e tij. Viktima si pasojë e plagëve të marra është dërguar për tretman mjekësor, derisa me vendim të prokurorit i dyshuari është dërguar në mbajtje.
Ngjarja e njëjtë ka ndodhur edhe në qytetin e Prizrenit dhe Deçanit, ku dy persona kanë përfunduar nën prangat e Policisë së Kosovës, pasi që të njëjtit i kanë sulmuar fizikisht bashkëshortet e tyre, duke iu shkaktuar lëndime trupore.
Ndërsa, brenda një familje përveç dhunës fizike është përdorur edhe arma e zjarrit. Në këtë rast dy vëllezër janë arrestuar, pasi që pas një mosmarrëveshje janë përleshur mes vete. Policia dyshohet se ka pasur edhe të shtëna me armë zjarri.
“Në vendin e ngjarjes është gjetur një gëzhojë dhe nga njëri prej të dyshuarve është sekuestruar një pistoletë. Të dyshuarit pas intervistimit me vendim të prokurorit janë dërguar në mbajtje”, thuhet në raportin 24-orësh.
Ndërkaq, në Pejë, një person është arrestuar, pasi që dyshohet se i njëjti ka ushtruar dhunë fizike ndaj nënës së tij. Nëna e të dyshuarit nga lëndime e marra si pasojë e goditjeve është dërguar për tretman mjekësor në Spitalin Rajonal të Pejës. Megjithatë, i dyshuari me vendim të prokurorit është dërguar në mbajtje./teve1.info/
