Shefi i Grupit Parlamentar të PDK-së, Abelard Tahiri thotë se seanca e sotme e Kuvendit u mbyll për t’u pamundësuar diskutimi i përfshirjes së Milan Radojçiqit në Kosovë.
Sipas tij, mosmbajtja e seancës së sotme mund të jetë edhe si rezultat i Radojçiqit, pasi “nuk i konvenon që në Kuvendin e Kosovës të diskutohet për kriminalitetin e tij”, përcjell teve1.info
“Në mënyrën më të turpshme të mundshme, ky koalicioni ‘Zdravo’ e mbylli këtë seancë për të cilën ishim ftuar që të jetë seanca e fundit e sesionit pranveror, dhe e mbyllën këtë seancë vetëm e vetëm për të na pamundësuar që të diskutojmë rreth çështjes së aferës ‘Zdravo’ dhe implikimit të Milan Radojçiqit në vendimarrjen në Kosovë…do të vazhdojmë, do të kemi angazhim të vazhdueshëm që vendin ta dërgojmë në zgjedhje. Vazhdimi i tyre do të thotë vjedhje edhe më e madhe, do të thotë involvim dhe implikim edhe më i madh i Radojçiqit në vendimarrje në Kuvendin e Kosovës dhe unë konsideroj që kjo seancë e cila u pamundësu sot, mund të jetë edhe si rezultat i vetë Radojçiqit, sepse një personi të tillë nuk i konvenon që diskutohet në Kuvendin e Kosovës për kriminalitetin e tij dhe për veprat e tija”, deklaroi ai në një konferencë për media.
Tahiri theksoi se vendit i duhet një qeveri e re, teksa shtoi se si PDK do të angazhohen fuqishëm që në një të ardhme sa më të afërt t’i japin vendit një “kryeminstër kredibil nga PDK”.
Pas seancës së sotme, Kuvendi ka mbyllur sesionin pranveror. /Teve1.info/