Koordinatori i Departamentit për Financa në PDK, Arben Mustafa thotë se rezultatet e anketës së Pulsit Publik për situatën ekonomike të vendit tregojnë se Qeveria ka dështuar për të përmirësuar kushtet e jetesës së qytetarëve.
“Këto të dhëna paraqesin një ilustrim faktik të dështimit të kësaj qeverie për të përmirësuar kushtet e jetesës së qytetarëve të Kosovës dhe nevojën urgjente që qeveria ta kthej vëmendjen drejtë ofrimit të zgjidhjeve për problemet kyçe me të cilat ballafaqohen qytetarët”, ka shkruar Mustafa.
Tutje ai ka përmendur edhe numrin e lartë të qytetarëve të cilët besojnë se punësimi në sektorin publik nuk bëhet në baza meritore.
“Prandaj, bazuar në rezultatet e këtij publikimi, lirisht mund të konstatohet se me këtë qeveri nuk ka as punësim e as drejtësi në punësim”, ka shkruar Mustafa.
