Sekretari organizativ i PDK-së, Betim Gjoshi, ka thënë se sot me rastin e 12-vjetorit të vrasjes së policit Enver Zymberi, do të shihet hipokrizia e radhës e pushtetit.
Gjoshi ka shkruar se Albin Kurti bëhet sikur e respekton atë kur në anën tjetër mbron të gjithë bisedën e shefes së deputetëve të VV-së, Mimoza Kusari Lila me Slavko Simiqin e Listës Serbe.
“Kryeministri Kurti e ka mbrojtur edhe këtë bisedë, ku e dërguara e tij flet me mosrespekt për Heroin Enver Zymberi”, ka shkruar Gjoshi.
Sipas tij kjo mbrojtje është e natyrshme “sepse Albin Kurti po koordinohet me Milan Radojçiqin dhe Listën Serbe përmes Mimoza Kusarit dhe Slavko Simiqit”.
“Për Qeverinë Zdravo, në krye të së cilës qëndron kryebashkëpunëtori i Radojçiqit, Heroi Enver Zymberi është “ai polici që e kanë vra”, shkruan tutje Gjoshi.
