Një shtyllë elektrike e cila është afër rrëzimit në rrugën Klinë – Pejë, përkatësisht në fshatin Zajm, ka shkaktuar kolona të gjata në trafik.
Kjo pasi telat e energjisë elektrike po pamundësojnë kalimin e mjeteve të rënda.
Sipas fotografive të siguruara nga Tëvë 1, shihet se kolonat e gjata janë krijuar në të dyja drejtimet e rrugës.
Ndërkaq zëdhënësi i Policisë për rajonin e Pejës, Fadil Gashi tha për teve1.info se lidhur me rastin janë lajmëruar ekipet e KEK-ut, teksa theksoi se qarkullimi në atë pjesë është i mundur por me kujdes të shtuar.
