Ministri i Mbrojtjes, Armend Mehaj i ka ofruar mbështetje Greqisë, e cila po përballet me zjarre të fuqishme të cilat kanë përfshirë shumë pjesë të vendit.
Siç ka thënë ai, solidariteti nuk njeh kufij, përcjell teve1.info
“Ne jemi të përgatitur për të ofruar ndihmë brenda kapaciteteve tona për të luftuar zjarret dhe për të qëndruar pranë komuniteteve të prekura. Solidariteti nuk njeh kufij dhe së bashku mund ta kapërcejmë këtë sfidë”, ka shkruar Mehaj në Twitter.
Greqia është goditur nga një valë e të nxehtit ekstrem, ku flakët e zjarrit po shkaktojnë dëme që gati një javë në ishullin e saj.
Autoritetet kanë paralajmëruar se beteja për ta kontrolluar zjarrin, në mes të sezonit turistik, do të zgjasë disa ditë. /Teve1.info/
