Presidenti i Serbisë, Aleksandar Vuçiq, ka pritur sot në takim ministrin e Punëve të Jashtme dhe Biznesit Ndërkombëtar të Surinamit, Albert Ramdin.
Vuçiq ka theksuar se Serbia e vlerëson shumë Republikën e Surinamit për vendimin e saj për të tërhequr njohjen e pavarësisë së Kosovës, akt që sipas Vuçiqit konfirmoi miqësinë mes të dy vendeve dhe respektimin e parimeve themelore të së drejtës ndërkombëtare dhe të Kartës së OKB-së.
“Vuçiq ka shkëmbyer mendime me Ramdinin për drejtimet e zhvillimit të mëtejshëm të marrëdhënieve tradicionalisht miqësore ndërmjet Serbisë dhe Surinamit dhe përmirësimin e bashkëpunimit të përgjithshëm dypalësh”, thuhet në komunikatën e Zyrës për Bashkëpunim me Media të tij.
