Bazamente të mureve mesjetare janë zbuluar në komunën e Kaçanikut, gjatë punimeve në parkingun nëntokësor.
Sipas njoftimit të komunës, punimet janë ndërprerë pas konsultimeve me arkeolog e ekspert.
“Gjatë punimeve arkeologët nga komuna jonë të prirë nga arkeologu Hajredin Ramajli, kanë hasur në disa bazamente të mureve mesjetare. Në koordinim dhe komunikim të plotë me ta, kemi ndërprerë punimet, për të vazhduar me procedurat e tjera të parapara në këso lloj rastesh. Njëkohësisht falënderojmë angazhimin dhe profesionalizmin e qytetarëve aktiv në këtë rast të arkeologëve, me të cilët kemi qenë të hapur për bashkëpunim dhe në marrjen e vendimeve të përbashkëta, sepse vetëm në këtë mënyrë arrihet më e mira e mundshme”, thuhet në njoftim.
Komuna poashtu ka bërë të ditur se busti i veprimtarit Sali Bajra, është larguar përkohësisht pasi në atë pjesë janë zhvilluar punimet. Sipas komunës ky veprim është bërë pas konsultimit me familjen Bajra./teve1.info/