Emisari sllovak, Miroslav Lajcak, ka bërë një përmbledhje të takimeve që ka pasur, me kryeminsitrin Albin Kurti në Greqi, kryenegociatorët Bislimi e Petkoviq dhe gjithashtu edhe me presidentin e Serbisë, Aleksnader Vuçiq.
Ai ka theksuar se janë pajtuar që urgjentisht të ndërmerren hapa për të de-përshkallëzuar situatën në veri të Kosovës dhe për të bërë përparim të shpejtë në normalizimin e marrëdhënieve.
“Në margjinat e tubimit pata një takim të vlefshëm me kryeministrin e Kosovës, Albin Kurti. Ne kishim në një bisedë të gjatë dhe konstruktive për situatën aktuale në veri të Kosovës dhe rrugën drejt de-përshkallëzimit, në përputhje me deklaratën e BE27 nga 3 qershori dhe zbatimin e të gjitha marrëveshjeve të Dialogut. Të martën, u ktheva në Bruksel për t’u përgatitur për bisedime mikpritëse me zëvendëskryeministrin e Parë dhe Kryenegociatorin e Kosovës, Besnik Bislimi, dhe drejtorin e Zyrës për Kosovën dhe Kryenegociatorin e Serbisë, Petar Petkoviq. I kushtuam orë të gjata diskutimeve mbi një listë gjithëpërfshirëse të çështjeve të Dialogut, duke përfshirë zbatimin e Marrëveshjes së 27 shkurtit dhe de-përshkallëzimin e nevojshëm në veri. Ne ramë dakord që të vazhdojmë këto diskutime dhe punën tonë për disa dokumente në periudhën e ardhshme. U takova edhe me presidentin e Serbisë Aleksandar Vuçiq, i cili po atë ditë vizitoi Brukselin. Ne ramë dakord për rëndësinë që urgjentisht të ndërmerren hapa për të de-përshkallëzuar situatën në veri të Kosovës dhe për të bërë përparim të shpejtë në normalizimin e marrëdhënieve”, ka shkruar ai.
Nga fundi i javës, në margjinat e Këshillit të Punëve të Jashtme të BE-së, pata një takim të këndshëm, por edhe produktiv dhe të thellë me mikun dhe kolegun tim, ministrin e Punëve të Jashtme të Sllovakisë Miroslav Ëlachovsky. Isha thellësisht i nderuar që mora një çmim prestigjioz nga Ministria e Punëve të Jashtme, duke vlerësuar kontributin dhe përkushtimin tim ndaj diplomacisë sllovake.
