Të vetmin kujtim që e ka nga i biri, është fotografia.
Kjo pasi Himë Haradinaj nga Gllogjani, më 24 mars të vitit 98, u bë një nga dëshmorët më të ri të lirisë.
Babai i tij, Rasim Haradinaj, ka treguar se si i biri 17vjeçar, vendosi ta kapte pushkën për t’i dal zot vendit.“Hima ka vendos, se na krejt familja jemi kyçur në UCK… Hima veç ka dashtë me çlirua këtë vend, me qenë i lirë edhe krejt me qenë të lirë prej okupatorit serb”, tha ai.
Me 24 mars të vitit 98, forcat serbe rrethuan Gllogjanin.
Kësisoj, Himë Haradinaj dhe Gazmend e Agron Mehmetaj, po i largonin familjet për në fshatin Baballoq të Deçanit.
Por, tre ushtarëve, iu erdhi lajmi që forcat serbe, kishin sulmuar shkollën e fshatit e kishin kidnapuar nxënësit.
Të rinjtë, menjëherë vendosen t’u ndalin në ndihmë nxënësve që kishin mbetur në duart e forcave serbe.
“Ja kanë mësy me ardh për me i shpëtu nxënësat e me ça rrethimin. Kur janë ardh këtu, ata dy janë vra, Hima i ka marrë armët e tyre…”, tha ai.
Pasi konstaton vdekjen e shokëve, 17 vjeçari fillon të tërhiqet nga oborri i shkollës për në fshatin Shaptej.
Por, hap pas hapi, po e përcillte një helikopter i forcave serbe.
E kur Himë Haradinaj doli nga ky mal, helikopteri serb hapi zjarr në drejtim të tij.“Hima kur ka ardh këtu, Helikopteri e ka gjujtë e ka plagos, e ska pas kush me ja jep ndihmën e u vra këtu…”, shtoi ai.
Pavarësisht dhimbjes, Rasim Haradinaj, thotë se ndjehet krenar për veprat e dëshmorit të ri.“Unë jam krenar, që djali jem….”, u shpreh ai.
Pas kësaj dite, forcat serbe do të ktheheshin edhe disa herë të tjera, për ta sulmuar Gllogjanin.
Por të gjitha tentimet e tyre, dolën të pasuksesshme.
Raporti i gazetarit Fidan Zejnullahu.
