Kryetari i Lidhjes Demokratike të Kosovës, Lumir Abdixhiku, ka falënderuar 26 këshilltarët komunal, të cilët sot kanë votuar pro për zgjedhjen e kryesuesit të Kuvendit Komunal të Prishtinës, Pëllumb Bajçinovci.
Abdixhiku tha se Bajçinovci është veprimtar e bashkëpunëtor i jashtëzakonshëm në familjen politike të LDK-së.
“Pellumb Bajçinovci, asambleist i LDK-së, është zgjedhur sot Kryesues i ri i Kuvendit Komunal të Prishtinës. Për këtë falënderoj të 26 këshilltarët komunal që Kryeqytetit po i japin përfaqësimin e denjë. Përveç se profesionist, përafrues e me plot interes për qytetin e tij e tonin, Pëllumbi është dhe veprimtar e bashkëpunëtor i jashtëzakonshëm në familjen tonë politike. E prita sot me plot kënaqësi”, ka shkruar Abdixhiku në Facebook.
Tutje, i pari i LDK-së tha se me kuadro si “Rruga e re” e Lidhjes do të bëjë të ardhmen e Kosovës.
“Dhe pikërisht me kuadro të tilla, ‘Rruga e re’ e Lidhjes do të bëjë të ardhmen e Republikës. Larg pazareve e interesave të ngushta, larg polarizimeve, larg ngecjes”, shkroi Abdixhiku./teve1.info/
Pëllumb Bajçinovci zgjidhet kryesues i Kuvendit Komunal të Prishtinës
