Nënkryetari i Aleancës për Ardhmërinë e Kosovës, Ahmet Isufi, ka folur për angazhimin e kësaj partie për rrëzimin e Qeverisë Kurti.
Isufi thotë se partia e tij po intensifikon veprimet, pasi sipas tij, ka ndryshim të opinionit publik rreth ekzekutivit.
“Tani veç se e kemi intensifikuar edhe pse kemi qenë të angazhuar rregullisht, por tash do të jemi edhe më shumë për shkak se e shohim që te shtresat ka një ndryshim të opinionit rreth qeverisjes në Kosovë dhe ka një zhgënjim te masa”, tha ai në emisionin “Këndi i Debatit” në Tëvë1.
Gjithashtu, Isufi thotë se janë në kontakt me kategoritë shoqërore, me ato të cilat mendojnë që do të jenë në angazhim që të zhvillojnë nivelin ekomomik të vendit.
“Po ashtu jemi në kontakt me kategoritë shoqërore me të gjitha ato që mendojmë se janë segmente, të cilat mund të jenë në angazhim nesër e të ndalim ky trend i zbritjes së nivelit të zhvillimit të Kosovës. Ne në vend që të kemi ndonjë hapë përpara, sepse ka pasur mundësinë, ne kemi varfërim, kemi stagnim të zhvillimit ekonomik, kemi gjithashtu acarim të marrëdhënieve me ndërkombëtarët”, shtoi ai./teve1.info/
