Është arrestuar një punëtor i sigurimit të Spitalit të Gjakovës “Isa Grezda”.
Arrestimi është bërë nën dyshimet se i njëjti ka sulmuar fizikisht një gazetare dhe një kameraman të gazetës online Nacionale.
Punëtorët medial raportohet se kanë pranuar tretman mjekësor kurse i dyshuari është dërguar në mbajtje.
“Është arrestuar i dyshuari mashkull kosovar, punëtor i sigurimit në Spitalin Isa Grezda Gjakovë, për shkak se i kishte sulmuar fizikisht dy viktimat mashkull dhe femër kosovarë, gazetarë. Si pasojë e sulmit njëri prej viktimave ka pësuar lëndime dhe ka pranuar tretman mjekësor, kurse i dyshuari me vendim të prokurorit është dërguar në mbajtje”, thuhet në njoftimin e PK-së.
