Sipas informacioneve, në këtë takim kanë marrë pjesë: Komandanti i stacionit policor në Mitrovicën Veriore, Goran Zivkoviq; Komandanti i stacionit policor të Leposaviqit, Igor Vukadinoviq; Komandanti i stacionit policor të Zubin Potokit, Zvezdan Milivojeviq; Shefi i Hetimeve Rajonale në Mitrovicën e Veriut, Nenad Simiq; Shefi i Hetimeve ne Zveçan, Dragisha Milunoviq.
Ndërkohë, Inspektorati Policor i Kosovës (IPK) ka konfirmuar për Tëvë1 se është duke e e shqyrtuar çështjen e pjesëmarrjes së eprorëve të Policisë së Kosovës në takim me Vuçiqin.
“Duke ju referuar kërkesës suaj ju njoftojmë se Inspektorati Policor i Kosovës në kuadër të kompetencave dhe autorizimeve ligjore është duke e shqyrtuar çështjen e pjesëmarrjes së eprorëve të Policisë së Kosovës në takim me Presidentin e Serbisë”, thuhet në përgjigjen e Inspektoratit Policor të Kosovës.
Kujtojmë që sot Këshilli Gjyqësor i Kosovës ka marrë vendim për suspendimin e kryetares së Gjykatës Themelore të Mitrovicës, Liljana Stevanoviq, e cila po ashtu kishte marrë pjesë në takim me presidentin e Serbisë, Aleksandar Vuçiq. /teve1.info/
