Erjon Kastrati nuk do të paraqitet në ndeshjen e përfaqësueses së Kosovës në basketboll ndaj Zvicrës.
FBK-ja ka njoftuar të martën që Kastrati është lënduar në stërvitje të hënën. Kosova e Zvicra takohen të mërkurën prej orës 20:45 në Prizren, në kuadër të raundit të tretë të parakualifikimeve për Eurobasket 2025.
”Dje ka pësuar një lëndim Erjon Kastrati dhe e ka të pamundur të luaj ndaj helvetikëve. Gjithsesi ai pritet të jetë i gatshëm për ndeshjen ndaj Danimarkës, që zhvillohet më 26 korrik në udhëtim”, ka njoftuar FBK-ja.
Selektori i Kosovës, Rami Hadar tashmë ka përcaktuar 12-shen që paraqitet ndaj Zvicrës.
Dominic Artis, Valon Bunjaku, Dardan Kapiti, Rron Ukaj, Musab Mala, Gëzim Morina, Arian Qallaku, Dardan Berisha, Drilon Hajrizi, Meriton Ismaili, Muhamed Janjeva, Lis Shoshi janë basketbollistët e përzgjedhur.
