Ish-komandanti i Zonës Operative të Llapit, Rrustem Mustafa – Remi, ka përfunduar dëshminë e tij në Gjykatën Speciale pas shtatë ditësh, në rastin ndaj ish-krerëve të Ushtrisë Çlirimtare të Kosovës.
Remi ka shkruar se është shumë e rëndë ndjesia të keni përballë bashkëlutarët me akuza aq të padrejta.
“Nuk ka relativizim të fajit,
Ky relativizim sa i pamoralshëm po aq i palogjikshëm, përfundoi me një kategorizim absurd dhe cinik: ata që sulmonin, ata që masakronin, ata që zbatonin strategjinë e tokës së djegur, ata që e pastronin etnikisht një territor të huaj, ata që ishin në tokë të huaj”, ka shkruar ai në Facebook.
Remi ka shkruar se rrugën e relativizimit të fajita e ndjek politika serbe e mbështetur nga Rusia, madje edhe drejtuesit më të moderuar të partive politike dhe të shtetit.
“Asnjë shpifje kundër të tjerëve, veçmas UÇK-së, asnjë imputim nuk mund ta zhbëjë katrahurën që shkaktoi politika kriminale e një regjimi, i cili duke indoktrinuar të tjerët e indoktrinoi veten, siç shihet, përjetësisht”, ka shkruar Mustafa.
