Një iPhone i Apple i vitit 2007 është shitur në ankand për 190,372,80 dollarë (145,416 £) – 300 herë më shumë se çmimi i tij fillestar i shitjes.
BBC-ja shkruan se në atë kohë nuk u prodhuan shumë nga ky model, duke bërë që shumë koleksionistë të iPhoneve ta konsiderojnë të rrallë. Modeli tërhoqi plot 28 oferta dhe u shit me një vlerë 400 herë më të lartë se çmimi origjinal.
Vetë shtëpia e ankandeve, e përshkroi atë si “tepër të rrallë, të mbyllur nga fabrika dhe modeli i parë i 4GB në gjendje perfekte”.
Ky model doli në treg me një çmim prej 599 dollarësh dhe pritej që të shitej në ankand me një vlerë 50 deri në 100 mijë dollarë, por në fakt ia doli të thyente çdo rekord të mëparshëm.
Gjigandi i teknologjisë vendosi që ta ndërpriste prodhimin e modelit 4GB vetëm 2 muaj pasi e kishte hedhur në treg, për shkak të shitjeve të pakta.
