Studiuesi, Bejtullah Destani ka thënë se projekti i Lidhjes së Prizrenit ka qenë një projekt i parealizuar, sepse sipas tij, në atë periudhë historike ideja e autonomisë nuk ka ekzistuar si koncept.
Madje ai thotë se edhe vet rilindasi Konstadin Kristoforidhi e kishte parashikuar se Lidhja e Prizrenit nuk do të kishte sukses.
“Projekti i Lidhjes së Prizrenit i cili pak a shumë është projekt i parealizuar sepse ideja e autonomisë s’ka ekzistuar si koncept në atë kohë dhe ka ngelë si lëvizje e pa realizuar që nuk ka pasur sukses. Në një intervistë me një britanik Konstandin Kristoforidhi e thotë që Lidhja e Prizrenit është organizuar nga derebejtë të cilët ata që e kanë organizuar Lidhjen e Prizrenit duan t’i ruajnë privilegjet e tyre shoqërore në Perandorinë Osmane kështu që nuk do të ketë sukses. Pra e ka parashikuar pak a shumë se Lidhja e Prizrenit nuk do të ketë sukses fare dhe ashtu ndodhi”, tha ai në emisionin “ReSpublika” në Teve1.
Destani tutje tregoi se si Dega e Lidhjes së Prizrenit në Gjakovë kishte dhënë një listë që të vriten të gjithë zyrtarët, gazetarët e diplomatët e asaj kohe e që sipas studiuesit Destani, kjo nënkuptonte fundin Lidhjes.
“Në fillim të viteve 1880 dhe në fillim të 1881 përkrahje faktikisht u shua shumë shpejt, për arsye se Lidhja e Prizrenit kishte një përkrahje të jashtëzakonshme ndërkombëtare prej të gjitha fuqive të mëdha sidomos Anglisë, Austrisë, Italisë dhe vendeve të tjera ka pasur përkrahje të jashtëzakonshëm sepse ka pasur organizim shumë të mirë si ushtarak ashtu edhe politik. Del një dokument të cilin unë e kam përmend ndoshta një herë, dega e Lidhjes së Prizrenit në Gjakovë jep një listë të vriten të gjithë zyrtarët gazetarët dhe diplomatët e kohës sipas mendimit tim, dmth kjo ka qenë fundi, Lidhja e Prizrenit filloi që të mos ketë përkrahjen e perëndimorëve. Lidhja e Prizrenit ka pasur dy rryma njëra ka qenë pro Stambollit, tjetra shumë shqiptare, shumë radikale në krye me Ymer Prizrenin të cilët kanë qenë pa kompromis për pavarësinë e vendit dhe kjo ka ndikuar që përkrahja të mos ekzistojë fare dhe japin një leje Dervish Pashës që të merrte një aksion që ta suprimojë, të vriten të gjithë liderët duke përfshirë edhe Ymer Prizrenin i cili vritet në vitin 1886 më duket dhe Abdyl Frashëri i vetmi që mbijeton për arsye se në të njëjtën kohë Sami Frashëri ka qenë këshilltar i Abdyl Amitit”, shtoi ai./teve1.info./