Një person është arrestuar nga Policia e Kosovës, pasi që i njëjti dyshohet se ka kanosur një zyrtar policor, si dhe i ka shkaktar lëndime trupore.
Ngjarja ka ndodhur në rrugën “Zahir Pajaziti” në Pejë, ku i dyshuari kishte shkaktuar vetaksident, dhe i njëjti ishte në gjendje të dehur.
Me këtë rast, ai është shoqëruar në stacionin policor, ku aty ka kanosur zyrtarin policor.
Lidhur me këtë rast, prokurori ka vendosur që ndaj të dyshuarit të caktohet masa e ndalimit për 8 orë, ku i njëjti më pas është dërguar në mbajtje.
Njoftimi i plotë i Policisë së Kosovës:
Rr. Zahir Pajaziti, Pejë 16.07.2023 – 03:41. Është arrestuar i dyshuari mashkull kosovar pasi që i njëjti nën ndikim të alkoolit kishte drejtuar automjetin e tij dhe në lokacionin e lartcekur kishte shkaktuar vet-aksident. I dyshuari është shoqëruar në stacion policor dhe i njëjti ka kanosur zyrtarin policor si dhe i ka shkaktuar lëndime trupore. Me vendim të prokurorit te dyshuarit i caktohet masa e ndalimit për 48 orë dhe i njëjti është dërguar në mbajtje./teve1.info/
