Gjykata Themelore në Ferizaj e ka refuzuar kërkesën e Prokurorisë Themelore në Ferizaj për caktimin e masës së paraburgimit për avokatin Besnik Berisha, kanë raportuar mediat.
I njëjti kësisoj është liruar nga paraburgimi.
Megjithatë, tutje raportohet se Berishës i është caktuar një masë alternative që të mos i afrohet personit apo vendit të caktuar.
Rreth vendimit për Berishën ka shkruar edhe avokati i tij, Naim Rudari, i cili e ka quajtur klientin e tij, triumfues.
“TRIUMFUES sot, në fund të kësaj çështje dhe kurdo”, ka shkruar Rudari.
