Forcës së Sigurisë së Kosovës i janë shtuar edhe zyrtarisht disa dronë Bayraktar TB-2 të blerë nga Turqia, disa javë më parë.
Lajmin e ka bërë të ditur kryeministri Albin Kurti, i cili e ka prezantuar arsenalin e ri të ushtrisë sonë.
Megjithatë, nuk është bërë i ditur çmimi sa kanë kushtuar dronët.
“Në dy vjet qeverisje e kemi shtuar për mbi 80% numrin e ushtarëve dhe mbi 100% buxhetin për ushtrinë. Kosova tash është edhe më e sigurt përveçse gjithnjë krenare! Me Komandantin e FSK-së gjenerallejtnant Bashkim Jashari dhe Ministrin e Mbrojtjes Armend Mehaj përgëzuam oficerët që e kanë kryer trajnimin për përdorimin e dronëve”, ka shkruar kryeministri Kurti.
