Përmes një videomesazhi, Osmani theksoi se para 23 vitesh filloi të jetësohet shpresa e popullit për një Kosovë të lirë.
Presidentja Osmani po ashtu shprehu mirënjohje për rolin e ish-sekretares amerikane të Shtetit Madeleine Albright, e cila vdiq dje.
“23 vite më parë, filloi të jetësohet shpresa e popullit tonë paqedashës për një Kosovë të lirë. Në këtë përvjetor, shprehim në veçanti mirënjohjen e thellë për rolin e Sekretares Albright, e cila fizikisht na la dje, por do të mbetet përherë fanar ndriçues për të ardhmen tonë. Ndërhyrja historike e NATO-s e vulosi të drejtën tonë për liri e pavarësi. Në emër të popullit të Kosovës, të atyre që nuk janë më në mesin tonë, dhe brezave të tërë që do të vijnë pas nesh, ju faleminderit!”, është shprehur Osmani. /Teve1.info/
