U.d. i kryetarit të OVL-UÇK-së, Faton Klinaku i është kundërpërgjigjur kryeministrit Albin Kurti, i cili ka thënë se ka trefishim të numrit të veteranëve.
Kliniku thotë se meqenëse dosjet janë në Prokurori, nuk kanë guxuar të merren me lista të veteranëve, pa përfunduar procesi gjyqësor, përcjell teve1.info
“Meqenëse dosjet janë në prokurori dhe lënda në gjykatë e që me insistimin tonë si Organizatë e Veteranëve ka filluar që të merret drejtësia me këtë, nuk ka guxuar asnjë kryeministër, qeveri, kuvend e as ne të merremi me lista pa u përfunduar procesi gjyqësor. Pastaj, si mund të verifikosh kur dosjet janë në prokurori dhe si mund të bëhet kjo ndryshe përveç me komandantët e zonave operative dhe zingjirin komandues të UÇK-së, siç e ka fituar të drejtën e veteranit Albin Kurti duke ia nënshkruar Adem Demaçi. Sa i përket beneficioneve, nuk është veç pagesa, por ai edhe trajtimin dhe rehabilitimin e veteranëve në banja (që me qeveritë e kaluara nuk ishte më shumë se 300 veta në vit), e quan luks. Pastaj, ai as protezat e invalidëve të luftës nuk i rregullon prej që ka ardhë në qeveri”, ka shkruar ai në Facebook.
Ai theksoi se Kurti ka dashur që ata “të jenë militantët e tij”.
“Sa i përket dakordimit me shoqata, ai këtë e ka dashur siç do vet, paçka nëse kjo është në dëm të veteranëve, por që ne të jemi militantët e tij. Ai beneficionin e quan pagë, sepse e ka qëllim që ta mashtrojë publikun. Ai thotë se është për benefite më të larta, por po ua dokumentoj çfarë thot ligji: Më të larta do të mund t’i bënte, por nuk mund të jetë më e vogël se paga minimale e përcaktuar në Kosovë”, ka potencuar ai.
“Shihemi sot në shesh ora 18:00”, ka shtuar Klinaku. /Teve1.info/
