Anëtari i kryesisë së AAK-së, Daut Haradinaj, ka bërë thirrje për pjesëmarrje masive në protestën e së shtunës të thirrur nga veteranët në Koosvë, raporton teve1.info
Ish deputeti Haradinaj ka thënë se mbrojtja e vlerave të luftës është obligim moral i secilit.
“Pjesëmarrja në protestën e sotme, është obligim moral, për të demonstruar që një luftëtarë nuk e pranon përbuzjen dhe aq më tepër tek armiqtë e lirisë dhe të shtetit tonë”, ka thënë Haradinaj.
Ai ka shtuar se protesta është mjet demokratik që e garanton kushtetuta dhe ligjet e Kosovës.
Përmes një videoje në rrjetin social tik-tok, Haradinaj ka paralajmëruar se do të jetë prezent në shesh.
“Bashkë me shumë miq do të jemi prezent në shesh në ora 18:00. Protesta është mjet demokratik që e garanton kushtetuta dhe ligjet e Kosovës, prandaj ju bëjë thirrje pa dallim partie të dalim së bashku në mbrojtje të vlerave tona më të çmuara”, është shprehur Daut Haradinaj.
♬ original sound – Daut.haradinaj