Deputeti i Partisë Demokratike të Kosovës, Mërgim Lushtaku, ka reaguar sërish pas përleshjes që ka ndodhur në Kuvendin e Kosovës.
Lushtaku ka shkruar në Facebook se pushtetarëve u doli në shesh bashkëpunimi i tyre me strukturat kriminale serbe.
“Këto ditë, pushtetarëve u doli në shesh bashkëpunimi i tyre me strukturat kriminale serbe dhe është e natyrshme që të tillët Radojçiçin e quajnë partner, ndërsa partnerët ndërkombëtar që na ndihmuan në çlirim të vendit i cilësojnë si të padëshirueshëm e naiv”, ka shkruar Lushtaku.
Ai tha se nga “nga fëlliqësia që i ka kapluar, manipuluesit janë shfrenuar dhe tentojnë të prodhojnë situata e kriza të ndryshme”, që sipas tij, për ta larguar vëmendjen e popullit nga problemet reale.
“Nga fëlliqësia që i ka kapluar, manipuluesit janë shfrenuar dhe tentojnë të prodhojnë situata e kriza të ndryshme për ta larguar vëmendjen e popullit nga problemet reale, që nga çmimet e produkteve elementare e deri tek poshtrimi dhe dhunimi i sovranitetit dhe humbja e aleateve strategjik”.
Gjithashtu, ai tha se populli i Kosovës duhet të zgjohet dhe nuk duhet ta lejojë zhbërjen e shtetit.
“Pak nga fëlliqësia e tyre u shpërfaq edhe në mëngjesin e sotëm, pasi u arrestuan dy funksionar të qeverisë zdraVo të dyshuar për korrupsion, e të njejtëve iu sekuestruan rreth 60 mijë euro. Populli i Kosovës do të zgjohet dhe nuk do ta lejoj zhbërjen e shtetit dhe akomodimin e interesave e Radojçiçit e Vuçiçit. Qeveria zdraVo e ka vendin ne Beograd”./teve1.info/
