Pas dhunës që ndodhi dje në Kuvend, deputeti i PDK-së, Bekim Haxhiu është ftuar për intervistim nga Prokuroria.
Ai bëri të ditur për teve1.info se intervistimi do të bëhet javën tjetër.
“Organet e drejtësisë janë të pavarura në punën e tyre, kurdo që të më thirrin do të ju përgjigjem. Jam kontaktuar nga Prokuroria, jaën tjetër do të intervistohem”, deklaroi Haxhiu.
Përveç Haxhiu, Prokuroria ka ftuar për intervistim edhe bashkëpartiakun e Haxhiut, Mërgim Lushtakun.
Në seancën e djeshme të Kuvendit ka ndodhur një përleshje mes deputetëve të pozitës dhe opozitës, në të cilën janë përfshirë edhe deputeti i PDK-së, Hajdar Beqa, zëvendëskryeministri Besnik Bislimi, e edhe ministri i Financave, Hekuran Murati.
Përleshje ka pasur përsëri edhe në pjesën e dytë të seancës. /Teve1.info/
