Largimi i policëve nga veriu, deklarativisht nga qeveritarët për javë me radhë u paralelizua me largimin e bandave kriminale serbe nga ajo pjesë e vendit.
Mirëpo disa javë më vonë kryeministria doli me njoftim që ka arritur një marrëveshje me Bashkimin Evropian.
E një ndër çështjet për të cilat kanë arritur pajtim është edhe largimi i 25 për qind të policëve nga veriu.
Kurti ka sqaruar detaje të kësaj marrrëveshje teksa ka thënë që vendimet për sundim të ligjit i merr vetë Policia e Kosovës.
Por sipas njohësit të sigurisë, Fadil Kajtazi, ky vendim dëshmon se institucionet e Kosovës nuk kanë potencial të mjaftueshëm për menaxhim në katër komunat veriore.
E për këto lëvizje të Policisë së Kosovës, Anton Nrecaj nga Instituti CLARD, thotë se duhet kërkuar përgjegjësi nga krerët e institucioneve përgjegjëse.
Si shkak i gjendjes në veri, Policia javë më parë kishte zgjatur orarin e policëve të angazhuar në atë pjesë të vendit.
