Dy zyrtarët e lartë të Bashkimit Evropian, Josep Borrell, përfaqësues i lartë për Politikë të Jashtme dhe Siguri dhe Oliver Varhelyi, Komisionari i Bashkimit Evropian për Zgjerim dhe Fqinjësi, , ka përkujtuar masakrën e Srebrenicës.
Në deklaratën e përbashkët të tyre thuhet se 28 vjet më parë u shkruar një faqet më të errëta në historinë evropiane.
Poashtu aty thuhet se Evropa pranon dështimin e saj për të mbrojtur , ndërsa që sot janë të përkushtuar për sovranitetin, pavarësinë dhe integritetin e Bosnjës.
“Njëzet e tetë vjet më parë u shkrua një nga faqet më të errëta të historisë evropiane. Ne ndajmë pikëllimin dhe dhimbjen e familjeve dhe miqve të viktimave dhe të të mbijetuarve të gjenocidit në Srebrenicë. Evropa kujton përgjegjësinë dhe dështimin e saj për të mbrojtur. Sot, ndërkohë që lufta shpërthen sërish në kontinentin evropian, ne zotohemi të bëjmë më mirë për të mbrojtur paqen dhe për të mbrojtur jetën. Në përkujtimin e pasojave të konfliktit të armatosur, Bashkimi Evropian përsërit përkushtimin e tij ndaj sovranitetit, pavarësisë dhe integritetit territorial të Bosnjë-Hercegovinës. Si një vend kandidat, e ardhmja e Bosnjë-Hercegovinës qëndron brenda Bashkimit Evropian”, thuhet në deklaratë, përcjell teve1.info
Aty thuhet se nuk mund të ketë tolerancë për mohimin e gjenocidit.
“Pajtimi mund të ndërtohet vetëm mbi të vërtetën, paqen dhe drejtësinë. Nuk mund të ketë tolerancë për mohimin e gjenocidit, revizionizmin historik dhe glorifikimin e kriminelëve të luftës. Të gjithë liderët civilë dhe politikë në Bosnje dhe Hercegovinë kanë përgjegjësinë të punojnë së bashku për të ndërtuar një të ardhme më të mirë të bazuar në dialog dhe mirëkuptim të ndërsjellë për të forcuar dhe mbrojtur paqen dhe dinjitetin njerëzor për të mirën e të gjitha brezave”, thuhet në deklaratë e dy zyrtarëve të BE-se.
Sot shënohet 28-vjetori i Masakrës së Srebrenicës, masakra më e rënda në Evropë që nga Lufta e Dytë Botërore.
Gjenocidi i Srebrenicës ose Tragjedia e Bosnjës është një krim lufte i kryer në korrik të vitit 1995 në Bosnje dhe Hercegovinë, ku u vranë më shumë se 8,000 boshnjakë, kryesisht burra dhe djem të moshës 12 deri 77 vjet
