Tatimi në pronë ishte tema që shkaktoi debat mes deputetes së LDK-së, Hykmete Bajrami dhe ministrit të Financave, Hekuran Murati.
Bajrami ka reaguar ndaj ministrit Murati, i cili siç tha ajo, i tha “Mos rrej”, gjatë kohës sa ajo kishte fjalën në foltoren e Kuvendit.
Pas kundërpërgjigjeve nga Murati, Bajrami iu drejtua me fjalët “Bëhu burrë”, përcjell teve1.info
“Ministër, është mirë kur del para mikrofonit me i përdor ato fjalë që i përdor pa mikrofon. Se tash me mikrofon the pasaktësi, ma herët thojshe po rren. Kështu që bohu burrë, fjalën që e thu pa mikrofon, thuje edhe me mikrofon, mos u fsheh…o ministër ku e ke kry shkollën, çka ka ndodh kështu?! A po të mban ligjërata Dejohna Mihajli a?! Nuk ulen çmimet tu i rrit tatimet. Kërrkun në botë s’ka ndodh. Asnjë produkti nuk i ulet çmimi tu e rrit tatimin”,deklaroi Bajrami gjatë seancës që po mbahet në Kuvend. /Teve1.info/