Lisjan Perolli nga Partia Socialdemokrate (PSD) ka thënë se raporti ndërmjet kryeministrit, Albin Kurti dhe homologut të tij, Edi Rama po ndikon në marrëdhëniet Kosovë – Shqipëri.
Ai në emisionin “Ditari” në Tëvë 1 deklaroi se nuk ka arsye që të mos pritet kryeministri Rama sepse ai vjen si kryeministër i Shqipërisë- pavarësisht bindjeve të tyre.
“Besojmë fuqishëm se Kosova dhe Shqipëria duhet të bashkërendojnë dhe të kenë komunikim të vazhdueshëm për politikat e tyre, kjo duhet më qenë parimi. Por, duhet të shtojmë se në situatën në të cilën jemi tash, ku Qeveria e Kosovës e ka pranuar Asociacionin, ne nuk mund ta pranojmë një ndërhyrje ku në bazë e ka Asociacionin, sepse e shohim në thelb si problematike, sepse në fund të ditës nuk mund të ofrojë zgjidhje përfundimtare. Pra, për të moskaluar në nivel ndërpersonal në mes të Ramës dhe Kurtit, sepse nuk i di marrëdhëniet e atyre dyve, por po duket ashtu që problemet që i kanë në mes të dy këtyre, po dalin të jenë probleme në mes të Kosovës dhe Shqipërisë në fund …. sipas besimeve tona pa Shqipërinë ne nuk duhet të vepronim në asnjë mënyrë”, ka deklaruar ai.
