Policia ka arrestuar një person në Prizren për shkak të sulmit ndaj personit zyrtar.
I njëjti kishte ofenduar e më pas sulmuar zyrtarët policorë me çelësa, pasi ata e kishin gjobitur.
“Me date 06.07.2023 rreth orës 08:30, patrullat policore të Stacionit Policor të Prizrenit, kanë ndaluar një person dhe ishte gjobitur për kundërvajtjen e kryer, në shenje pakënaqësie kishte ofenduar zyrtaret policore e me pas edhe i kishte sulmuar duke i gjuajtur me çelësa te veturës. Ai, i dyshuari kishte goditur njërin nga zyrtaret policor me çelësa”, thuhet në njoftim.
Pas arrestimit i njëjti është dërguar në mbajtje.
“Ndaj të dyshuarit është lëshuar aktvendim për ndalim policor për 48 ore. Rasti nen hetime”, thuhet tutje në njoftim.
