Dy komisone parlamentare të Kuvendit të Kosovës pritet të mblidhen gjatë ditës së sotme.
Prej orës 11:00, Komisioni për Buxhet, Punë dhe Transfere pritet ta shqyrtojë kërkesën e Radio Televizionit të Kosovës, për ndarjen e mjeteve për periudhën korrik-shtator 2023.
Kurse Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione pritet të takohet me David Wright – Zyrtar i lartë operativ i Save the Children International dhe me Ekin Ogutogullari – Drejtor rajonal i Save the Children për Lindje të Mesme, Evropën Juglindore dhe Afrikën Veriore. Takimet fillojnë prej orës 14:00.